話咁快就到一年一度嘅情人節，你plan好咗聽日嘅活動未呢？仲擔心緊聽日會同情人嗌交鬧分手？不如快睇Dear Jane嘅情人節拆彈攻略，跟足佢哋教路平平安安度過2019情人節。
主音Tim：「好簡單姐，喂，呢個係我嘅前度呀。」
結他手Howie：「其實我都會驚嘅，我唔會停低，直行直過。但做男人最緊要大方，你可以點頭示好，然後走過去，唔通佢會走番轉頭搵我咩？解決！」
鼓手Nice：「呢個情況我經常發生，我提議可以喺屋企廚房煮飯，但女仔唔係坐喺度等食，而係邀請對方一齊下廚，為大家創造一個浪漫回憶。」
Tim更提議各位男仕可以預早一個星期買未開嘅花，擺到情人節先開花，咁就可以慳住過情人節啦～
低音結他手Jackal：「第一件事say sorry，我真係錯咗，真係諗唔到拆解方法。」
Tim：「同女朋友食燭光晚餐去錯地方，真係活該。」 Howie：「Say sorry，然後帶佢去平時唔會去嘅地方食晚餐，例如印度餐廳，就唔會怕冇位喇。另外，各位男仕得閒嗰陣都可以上網搵定一堆特別餐廳，以備不時之需。」
最後，其實情人節有冇燭光晚餐或名貴禮物收都唔係最重要嘅，始終情人節最重要係有情人同你一齊過，咁去邊慶祝或者食大排檔都冇所謂啦，係咪先？
【Dear Jane專訪】靠傻勁捱過十四年 Dear Jane預告紅館「玩火」
【原唱與翻唱】《到此為止》轉眼變經典 Dear Jane 版最有Feel
髮型/ Jamie Lee @JamieLeeHair
化妝/ German Cheung
形象/ Felix Wong
場地/ House 1881