100毛偽員專家Dickson一連四場的處男騷《專家Dickson 一個人的童話式婚禮》 日前於灣仔會展正式開鑼，是晚（3月8日）他們更邀請到欣宜暖場，以「美醜論」炒熱全場氣氛，介紹男主角專家Dickson 出場。而100毛眾偽員，東方昇、利君身、唐詩勁、黃慘盈同盤菜瑩子等人亦有到場支持，但說到最驚喜的當然是農夫同現場觀眾祝酒嘅環節。
欣宜說：「有人會覺得美同醜係有一個標準，我同意嘅，而且仲唔只得一個標準，其實咩係靚，咩係唔靚，一百個人就有一百個唔同標準，你只要符合自己標準，同埋搵到以佢標準嚟講，你係靚嘅另外一半咪得囉。」Joyce講得冇錯啊，靚唔靚同得唔得喺唔同人眼中有唔同標準，所以專家Dickson唔好因為有好多人覺得你係「毒男」就覺得自己唔得，睇下你自己今日著上白色西裝表演嗰時幾有自信，小編相信唔少讀者同現場觀眾都覺得你得㗎！
部分圖片來源：100毛＠Facebook