今年唔少藝人都有參與「渣打香港馬拉松2019」，包括袁偉豪（Benjamin）、連詩雅、湯怡同鄭融等，雖然落住雨，但無損大家嘅鬥志，堅持完成賽事。而袁偉豪更獲女友張寶兒（Bowie）到場打氣，非常幸福。
Benjamin今年首度參與半馬比賽，最後以2小時4分24秒跑畢全程。原來Bowie當日清晨就陪男友喺尖沙咀起步，然後去維園終點等Benjamin衝線，做「陪跑」女友。
順利完成賽事，Benjamin喺Instagram發文：「人生的第一次的半馬，其實沒有什麼了不起，時間又不是跑得很快，但有些事情，總是值得高興。」同時又感恩身邊朋友嘅支持同幫助，以及感恩女朋友嘅陪伴。
圖片來源：袁偉豪@Instagrm