梁詠琪（Gigi）25日將踏入43歲，一班愛錫Gigi嘅朋友已開始為佢提前慶生。除咗收到閨密嘅生日蛋糕外，Gigi今日又喺老公Sergio嘅安排下，見返幾個老朋友。
Gigi喺Instagram分享聚會片段，並留言：「話說老公這晚話約咗西班牙朋友餞行，我都好奇上禮拜咪餞咗囉…又餞？原來夾好咗…搞到我差d喊，不過又實在太好笑！感動！」
片中Gigi與Sergio同囡囡去餐廳，當佢見到枱上嘅綠公仔時即感到疑惑，未幾好友就出現喺Gigi面前，令佢非常開心。Gigi話自己太易受騙：「從來身邊的人話去邊同做乜，我都係好似鴨仔咁follow多過質疑，所以要Surprise我真係太easy無難度…大家滿足感大增！哈哈！我那麼好騙，真的可以玩到80歲！」相信Gigi嘅生日驚喜陸續有嚟。
圖片來源：梁詠琪@Instagram