胡杏兒2017年誕下囝囝李奕霆 （Brendan），今年初又宣布懷孕，準備迎接豬寶寶。陀B近六個月嘅杏兒，日前就與李乘德（Philip）及Brendan飛抵泰國蘇梅島參與婚禮，一家三口齊齊穿上禮服合照，相當溫馨。
杏兒在Instagram分享大肚美照，並寫道︰「Getting ready for motherhood again（準備好再做媽媽） 」見佢著上白色喱士裙喺泳池邊影相，輕撫孕肚露出甜笑；其後杏兒又上傳多張泳衣相，佢嘅喱士裙內原來配以黑色泳衣，非常性感！
杏兒留言問粉絲：「不同畫風，你們喜歡哪一張？」佢就話自己最鍾意同囝囝嘅合照，二人於水中開心對望，幸福滿瀉。網民都紛紛留言喜歡呢張相，大讚兩母子嘅交流充滿愛。
圖片來源：胡杏兒、李乘德@Instagram