林盛斌（Bob）與太太育有三女一子，一家六口非常熱鬧！昨日（2日）是開學日，三個姊姊霏兒、熹兒以及機兒都相繼上學，而讀N班的囝囝道申（Jaye）則因三號風球關係，不需回學校。不過，Jaye今日終於難逃返學的命運，但他在途中已喊到拆天，網民都說很陰公豬。
阿Bob貼出一張抱着囝囝上學的照片，搞笑寫道：「噚日三號風球救咗你，今日冇咁好彩嘞！『爸爸，你唔好唔要我啦，點解你咁狠心，點解呀……』」見Jaye已哭成淚人，求爸爸不要離開他，而阿Bob亦露出不捨的模樣。
阿Bob又表示，當年湊三個囡囡返學時都有相同經歷，「三個家姐都係喊到全條街嘅人睥住我，今次已經係第四次俾途人以為我販賣兒童，每個小朋友必經之路。」有人留言說這是小朋友愛的表現，「證明細路仔心裏好愛你啦！想當年我返學都係咁喊架！」、「佢喊就好，如果頭也不回就走了去玩，咁就係你喊到成條街望住你。」
圖片來源：林盛斌@Instagram