迎接新一年，梗係要放閃爆全城嘅煙花賀一賀佢，但小編噚晚睇完好閃嘅煙花，轉頭竟然喺電話睇到樣更閃嘅嘢……就係翠如bb同蕭正楠喺除夕、元旦接住放閃曬恩愛，筆者慶幸有隨身帶住一副黑超，勉強抵擋得住，而冇準備嘅網民就表示：「閃到我盲了。」
自從蕭正楠喺萬千星輝頒獎禮狻獎自爆娶咗黃翠如，佢哋一直都好份守己冇亂放閃光彈，但抑壓總有限期，去到2018年最後一日，蕭生蕭太終於要爆發一早準備好嘅閃光彈，仲要用埋冧爆hashtag：「#蕭太太 #新年快樂」睇嚟新婚真係會特別恩愛。二人前後腳post完合照之後，唔少被閃親嘅網民不但冇還擊，仲齊齊留言祝福二人新婚永遠幸福快樂。
圖片來源：蕭正楠、黃翠如＠Instagram