由新晉導演馮智恒執導，鄭中基、陳漢娜、胡子彤及新晉演員陶禧玲主演的電影《遺愛》，將於3月殺入日本，於大阪亞洲電影節舉行世界首映 。 《遺愛》作為電影發展基金撥款資助的勝出作品，以大約500萬資金下完成拍攝，當中鄭中基更以零片酬接拍，無條件支持新導演。
對於一口答應演出《遺愛》，中基表示：「我自己曾經都係由零開始，由演員到導演一步步做起，所以感受特別深。今次得到馮智恒導演邀請參與《遺愛》，雖然製作成本有限，但係信任不減，因為成個製作團隊好多新生代，好願意去嘗試做好件事，淨係呢一份精神已經值得支持。」而女主角陳漢娜得知電影入選後相當興奮：「恭喜導演！自己真係好想參與其中，奈何而家冇辦法親身飛過去，不過我個心已經飛咗去大阪啦！」
而身兼編劇及導演兩職的馮智恒透露：「多謝大阪亞洲電影節嘅欣賞！《遺愛》係年青人們被遺棄既故事，而中基個角色係好似代表觀眾咁，好全面去睇晒成件事，所以內心係充滿掙扎，想扶年青人一把但係又無能為力。而中基今次好細緻咁演釋到中年人嗰份包伏同遺憾，要演到嗰一種無力感，難度唔低，所以好感謝佢嘅信任！」