ViuTV《造美人》首集經已播出，從事地盤工作嘅6號參賽者胡靄琪（OK）成為本集焦點，事關專業團隊評論話如果要將佢變做靚女，難度基本上等於整架穿梭機。
OK係節目入面嘅表現好搶鏡，本身從事地盤工作嘅佢完全表現出真性情，佢係面試階段直言覺得自己外表都OK，但係可以再靚啲。講講吓仲爆自己因為「搞錯咗啲嘢」被ViuTV招攬廣告誤導咗，本身以為係一班人好輕鬆咁扮靚，冇諗過呢個節目會咁瘋狂，呢番言論令現場觀眾同評判爆笑。
OK雖然睇落唔算太靚，但原來佢以前嘅生活照望落都唔差，細個嘅相仲可以用靚女嚟形容。雖然專業團隊話OK嘅改造難度就好似要整一架穿梭機咁，但評判Kennis仍然好有信心團隊會做到「穿梭機」出嚟。
《造美人》最初有80位女士進行面試，再由專業團隊選出16位參加者進入第一輪淘汰賽，第一輪將會淘汰4位參賽者；而噚晚播出嘅第一集有7位參賽者出場，其中5名等待改造。
圖片來源：ViuTV、胡靄琪@Instagram、互聯網
