楊千嬅與媽媽嘅感情非常好,受媽媽影響,千嬅一直覺得言傳身教非常重要,即使工作有幾忙,都會抽時間陪伴六歲嘅囝囝丁進諾(Torres),更會同Torres去學校參與課外動, 十足廿四孝媽媽!
今日(11日)楊媽媽生日,千嬅偕囝囝準備咗個蛋糕為壽星慶祝,見Torres坐喺婆婆身旁,兩個人齊齊開心吹蠟燭。千嬅留言:「Happy birthday to my pretty mom,祝你身體健康,開心漂亮。」
又話感謝媽媽帶佢嚟到呢個世界:「從我小時候就送給我2個字「爭氣」,這2個字我用到現在,我嘗試傳授給Mini丁。跟他說:要『爭氣』啊仔!」
Torres聽完媽媽嘅教誨即問:「why? 」千嬅唔知如何解釋:「Arrrrrr……..」Torres續話:「老師話唔好爭嘢。」Torres嘅有趣回應令千嬅無奈:「你又啱⋯⋯」網民笑言小丁上堂專心:「小丁果然留心聽書,老師講咩都記得」、「Torres聽老師話好乖仔」。
圖片來源:楊千嬅@Instagram