鄧麗欣（Stephy）主演的ViuTV新劇《男排女將》快將播映，其中劇集的主題曲《著地》由她主唱及填詞，更邀來黃貫中（Paul）作曲及監製。Stephy初時到錄音室為新歌錄音，感覺很緊張，因為首次與Paul合作，擔心會被要求修改歌詞，在溝通過程中又怕自己用詞不當，不懂得運用音樂語言，但Paul就不甚認同，笑說：「唔好講到我好惡咁，我記得我有問過Stephy『呢兩個字係咪差少少音？』，點知佢話『冇呀，我唔覺喎』。佢一啲都唔驚我，有時會同我爭論吓，有交流先好呀，唔係我話乜就乜。」錄音進度比原定預計的時間更早完成，Paul大讚Stephy夠專業，比想像中表現好，「佢好舒服地錄晒成首歌，冇需要逐句逐句錄。」
Stephy今次再次填詞，原來與上次已相隔7年，她認為這部劇集是自己擔任主角，比其他人更了解當中角色，而且講述的是排球題材，最合適的填詞人始終是自己，她又笑說：「同埋主要係因為冇錢搵填詞人，幫公司慳返筆錢，哈哈。」
