陳淑蘭是有愛心之人，連鸚鵡都收到風，主動飛入屋，蘭子非常歡迎這隻自來雀，於是收養牠，為牠改名「福來」。
收養後，蘭子即中六合彩，好兆頭。問蘭子有否獎勵牠？她笑說：「未獎佢，因為拿完獎金後，係書局買嘢，然後去食餐飯就用晒，因為今次只中了六百四十元。我預計自來雀會幫我賺千萬，所以我又買了六合彩，因為今期獎金有二千萬，哈哈。」
第一次養鸚鵡，有很多朋友也叫她不要養，因為鸚鵡很長命，怕她會比鸚鵡早死，「朋友叫我不要教牠講衰嘢，萬一我死了，都有人肯接收牠。」蘭子表示，初養「福來」後，家中愛貓也有好奇，靠近想見牠，但「福來」有點惡，愛貓見牠的嘴啄吓啄吓都怕了，主動走開。「不過牠幾喜歡金豬（金毛尋回犬），會跳上牠的頭，可能覺得金豬的眼睫毛生得靚，初初我都驚佢會啄金豬隻眼，已叮囑工人姐姐唔好俾佢啄金豬塊面了。」
圖片來源：陳淑蘭＠Facebook