一直被傳煞停的TVB歌唱比賽節目《聲夢傳奇》，經TVB高層曾志偉放生後，終於可以於明晚星期六播出，今次比賽的選手出名年紀細，除了15歲的Gigi炎明熹外，三個14歲小妹妹姚焯菲、鍾柔美同詹天文，都得到不少網民留意，節目事前張揚第一集就會淘汰一個學員，在預告片中所見，年紀最細的姚焯菲，貌似跌入淘汰區，她亦因此而不停落淚，可能因為第一次參加比賽，太緊張以致表演失準，據知就連好友，同樣只得十四歲的鍾柔美亦不幸面臨淘汰邊緣，不過佢就堅強得多，更反過來安慰好友，至於最終是否兩個只能活一個，就要睇聽晚比賽。
第一集除了有森美主持和李克勤擔任奶爸一職外，仲有六位歌手衛蘭、泳兒、Gin Lee 李幸倪、JW 王灝兒、周柏豪及同AGA 江海迦將會擔任參賽者的導師，除此之外，仲有一個為數25人，包括有唱片公司高層、DJ、唱片監製等的專業評審團，咁嘅團隊，比賽結果一定有公信力啦。