今日係王祖藍39歲生日，喺這個特別的日子，李亞男在社交平台公開一家三口的溫馨合照，女兒Gabrielle的廬山真貌終於曝光，祖藍一直話女兒口大鼻大似足自己，有見過小公主初生相片的人亦說她似祖藍，不過經歴咗廿幾日的成長，肥肥白白臉兒圓圓的Gabrielle來個大變身，個靚樣係似足靚媽咪李亞男，眼睛尤其神似，也沒有傳說中祖藍嘅大鼻子，小公主人見人愛，是靚女一名。祖藍話女兒見到靚仔會笑會放電，見到老竇就無反應，相中所見，爸爸送上香吻，女兒木無表情，祖藍所言非虛。
今日雖然係祖藍生日，不過今日佢除咗返公司做嘢外，亦去咗TVB做節目，宣傳佢部賀歲片《你咪理，我愛你》，祖藍每有員工生日定必封八百元利市予對方，今日到佢生日，全公司同事一齊夾份封返一封八百元利市俾佢，真係禮尚往來，雖然今日大部份時間都在工作中度過，但晚上他還是準時回家，與家人吃晚飯慶祝生日。
圖片來源：李亞男＠Instagram