日本的動作演員倉田保昭，日前專程來港拍攝ViuTv新劇《空手打天下》，戲中更與歐錦棠較量空手道。倉田保昭笑指廣東話很難學，但都記住句「你好嗎」與台前幕後打招呼：「今次是歐錦棠邀請我來參演，因為之前我們在舞台劇結緣，是師徒的關係，今次是第一次合作拍電視劇，之前合作已經很有水準，今次他更是劇集監製，所以令鏡頭更靚更有力量。」
倉田保昭表示首次與劇中人員合作，感到相當新鮮感：「其實拍空手道戲份與真打都分別不大，但拍劇對手都是演員，而不是空手道高手，所以盡量留力不會誤傷對手。」
歐錦棠及張建聲對於與倉田保昭同場感興奮，棠哥更幽默地扮對方講廣東話，他還說深深體會倉田保昭的功架：「我哋同佢打咗一場，佢一Roll機就打我個胃，我死頂住唔NG，因為一痛又要比佢打多次！佢係空手道宗師，咁多年來第一次拍電視劇，所以比佢打都開心！」
張建聲於話劇中演入室大弟子，所以沒機會與倉田保昭對打：「編劇錫住我，唔洗我同佢對打，今日我連化妝間都唔敢入，行過門口聽到佢地啪啪聲，就知道佢地準備緊，好有氣勢。」
