因早前颱風山竹襲港，文彼得（Peter）囝囝文暐喬的百日宴被迫延期。上周五，喬喬終於同各位親友見面，Peter早於當日五點到場親手佈置宴會場地，文太Alice亦帶備親手焗製的曲奇和cup cake招呼親朋，Peter說:「百日宴要改期，最大反應是老闆羅先生（羅傑承），因為他過兩天（周日）嫁女，很多親戚從美國來港，他要招呼親人，所以今天不能來，但他很有心，早已準備大利市給喬喬。」
不少人覺得喬喬跟嫲嫲的樣子很似，Alice說:「其實她似我，跟我小時候的樣子一模一樣。」Peter說:「都似嫲嫲，他的神髓就最似我。」問喬喬乖唔乖，Peter即爆大鑊:「成日請我飲茶㗎！每次換片，已經知佢一除片好可能小便，所以我鬆開膠貼後都不會拿走尿片，等佢小完便先幫佢抹乾淨和搽cream，但一轉個頭他又小便，我已經中招三次了。」不過喬喬已經戒夜奶，爸爸媽媽可以一覺瞓到大天光，真係好乖仔呢！Alice產假後一直放無薪假湊囝囝，雖然工人姐姐已經抵港一星期，她依然未放心交由工人照顧，會再放多四個月假才返工。
百日宴當日的賓客除了飛馬教練楊正光和太太Carol和一班球員外，飛馬隊長陳肇麒一家，現効力夢想FC陳偉豪和効力東方龍師兼港隊隊長葉鴻輝亦有出席。
問一班Peter的好兄弟會否將自己秘技傳授Peter囝囝，肇麒說：「佢Daddy傳授晒俾佢啦!!傳授咗靚仔俾佢!球技就要看他長大後鍾唔鍾意踢波，可以搵我教佢做前鋒。」Peter說：「後衛就等我晚晚訓練佢。」葉鴻輝就覺得喬喬應該要自由發揮，他說：「傳授什麼？我自己都不是太好，文彼得所有嘢都好好，可以自己傳授給BB，至於做龍門，要BB自己揀，不可迫他的，等佢自由發揮會好一點。」
偉豪跟Peter是死黨，問他有沒有契喬喬做契仔，他搞笑地說：「如果係女兒就契梗啦！又係仔，我屋企已經有兩個，不過我契咗Peter做契仔，我們感情一樣都無變。」問他有什麼傳授給契孫？Peter則搶着說：「其實踢波我就好過偉豪。」偉豪不甘示弱說：「首先唔好學佢老竇踢波先，咁就所有嘢都好，如果佢有心學我都會盡力教，唔收錢，佢學乜都唔收錢。」偉豪幫喬喬改了個花名做暐小寶，他說：「因為他有個喡字，所以叫小寶，韋小寶一定多女，叫喬寶寶又得。」