噚日（7日）樂隊溫拿成員彭健新70歲生日，一班圈中朋友為佢大搞派對，當中包括曾志偉、李克勤、盧淑儀、鍾鎮濤（阿B）、范姜、梁家輝、恭碩良、曾志偉以及方力申等人。各人更與壽星公齊齊Jam歌，場面非常熱鬧！彭健新雖已「奔七」，仍活力十足地表演結他，完全唔似70歲。
阿B喺社交網為老友送上祝福：「祝彭健新 Happy 奔七生日快樂！新壯力健，有心有力，長食長有，心想事成，日日是好日！」；克勤就留言：「健兄，奔七快樂」。
不過，彭健新70大壽派對竟見唔到譚詠譚（譚校長）嘅身影，原來校長噚晚於內地開演唱會，而未能參與聚會。為咗與老友慶生，校長今朝一早就回港約溫拿成員吃飯，並於社交網分享合照，相中各人齊齊舉杯為彭健新慶祝，五虎都開心笑到見牙唔見眼，校長留言話：「晨早趕返香港當然係要為健仔補祝生日啦！ 」
圖片來源：譚詠麟、李克勤@微博