近年廣東歌產量大減，令好多樂迷感到欷歔，大家只可從舊歌回味本地創作。而無綫音樂節目《流行經典50年》正好讓樂迷聽到香港多年嚟嘅經典好歌。
最新一集，節目邀請到唱得之人泳兒同吳浩康（Deep）擔任嘉賓，二人精采嘅合唱，獲得唔少網民激讚。
泳兒與阿Deep都已出道十幾年，佢哋嘅表現得到大眾認定，於頒獎禮奪得多個獎項，而泳兒出道當年更橫掃四台新人獎，實力非凡！今次泳兒獻唱化表作《花無雪》，其柔情似水嘅聲線，簡直令人聽出耳油！有人留言：「泳兒把聲有D似憶蓮」、「泳兒一啲都無變，唱歌同以前都一樣甘好聽，樣都keep得好」。
泳兒同Deep深情對唱《我的回憶不是我的》，精采嘅表現令觀眾大讚，「兩個都唱得好聽。」、「live都好聽到痴線，睇完電視要即刻再聽﹗」、「阿deep 把聲又厚又帶磁性，正到爆！」亦有好多網民感嘆二人應該有更好嘅發展機會，期望佢哋快啲有新作。
圖片來源：TVB (official)@YouTube、泳兒、吳浩康@Instagram