新冠肺炎疫情已不只在亞洲地區爆發，連歐洲、美國等地也出現了不少確診個案，所以香港政府早前宣布部分由外地回港的市民需要戴上手帶，並要自我隔離14天，而一班英皇歌手和藝員亦受到影響，去完trip都要乖乖留喺屋企進行自我隔離。
日日留喺屋企，除咗上網同煲劇真係唔知有咩好做，而出名主意多嘅容祖兒就諗到可以用視像通話同朋友gethering，仲唔使驚犯超過4人聚會嘅新規例添。容祖兒：「噚日我哋就咁傾左兩個幾鐘，一齊做運動一齊拉筋一齊傾心事一齊食飯，有一位等極個焗豬扒飯都唔到好可憐，有一位好健康咁不停飲水，有一位不停執相傾番舊屎﹐有一位不停跳舞娛斌（真係得最欣賞），最後有一位中途加入。最後因為有人Wi-Fi收得太差無故斷線，今日佢哋終於自我隔離完畢啦，但係仍然可以繼續好似同學仔咁樣傾偈。」
圖片來源：容祖兒＠Instagram