張美妮與圈外男友黃偉強（KK Wong）2013年結婚，並於上年12月宣布成功造人，今日（5日）美妮嘅小寶貝終於出世喇，實在可喜可賀！
美妮於社交網貼出一家三口合照，見佢抱住囡囡同老公鼻貼鼻，場面十分溫馨。美妮透露囡囡乳名叫「笑咪咪」，因為B女一出生就經常笑，令佢同老公都感到無比喜悅。
美妮開心寫道：「我們的寶貝女出世了！同大家介紹佢嘅乳名叫笑咪咪，因為佢一出世就成日都笑咪咪，連醫院啲姑娘都咁講吖！有佢喺度令到我同老公都感到非常喜悅、開心、溫馨，真係成日都笑咪咪吖！乖女，Welcome to our family! We love you.」
圖片來源：張美妮@Instagram