陳山聰自從做咗爸爸之後，囝囝陳霆軒（Jaco）已佔據咗佢嘅IG，為Jaco拍片影相已經成為咗佢嘅樂趣。今日（2/12），Jaco嘅IG發布咗一段短片，佢瞓喺牀上「呀呀」叫，帖文嘅留言咁樣寫：「Daddy，我已經好聲好氣話你知我夠鐘食奶，你仲影！」原來爸爸同Jaco溝通有啲小問題，唔明白大少夠鐘飲奶，山聰爸爸仲喺短片度問：「點呀？係呀！」認真大整蠱，餓親寶寶啦，難怪之前山聰對囝囝講笑：「無仇不成父子，你同我肯定好大仇口，我要用餘生好好愛護你。」大仇口都要記得餵奶啊爸爸。
圖片來源：jaco_chan_aj@Instagram