我小時候眼大大、頭髮鬈鬈，媽媽每次帶我去街，都有人問她是不是嫁鬼佬，所以有個得意的混血BB，經常被人讚可愛，媽媽當然落足心機將我扮靚靚，其實爸爸、媽媽都是中國人，只不過我天生鬈髮所以被誤會是混血兒；媽媽十八歲已經生我，我們住何文田愛民邨，她非常漂亮而且性格開朗，熱心助人很受街坊歡迎，大家都叫她「何文田波狄波拉」，我做她的女兒當然都好受歡迎。
後來狄波拉淡出娛樂圈，年輕一代街坊覺得媽媽像吳綺莉，我從小到大有「星媽」湊都好光榮，不過有個「星媽」都有壓力，我黑黑瘦瘦和媽媽並不像，十幾歲時，有次發燒媽媽帶我去急症室，隔離位師奶讚媽媽好仁慈，親自帶工人姐姐看病 ，當時病得好辛苦都忍不住笑，媽咪就激氣地說﹕「呢個唔係工人，係我個女！」
Highlight查看答案：羅敏莊