身在日本劉嘉玲繼日前分享了與Dior Kaws BFF的櫻花合照﹐今日下午突然post埋偉仔嘅賞櫻照，而佢仲留言寫上：「春風拂面。」睇嚟兩位今次呢個日本東京之旅已經叉足電，準備迎接嚟緊嘅工作喇。
【劉嘉玲專訪】集型男拍亞洲版《盜海豪情》 劉嘉玲促成偉仔華仔合作
從照片中可見，偉仔雙眼電力十足，要深情有深情，要王家衛式憂鬱就即刻有憂鬱，好大機會喺由嘉玲親自操刀拍攝，所以正面相笑容都鬼咁靚。唔少網民覺得呢幾張相影得咁靚，全靠揸機嗰位嘅功勞，仲大讚偉仔「偉比花嬌」、「嘉玲，朝偉在你面前好溫柔」等。雖然靚仔影相天生已經有一定優勢，但如果要影出自然流露嘅笑容，相信都係得身邊人先捕捉到。
圖片來源：劉嘉玲＠Instagram