「愛情同麵包，你會點揀？」呢個世紀大難題令唔少感情關係出現缺口，有人會選擇放棄心中所愛過富裕生活，有人則為愛情捨棄安穩生活，看來魚與熊掌真的不可兼得，唔知應采兒同陳小春呢對恩愛夫妻模範當年點揀呢？應采兒喺最新一集《真心大冒險》同大家分享咗自己嘅愛情觀，仲示範埋點完美作答呢條千古難題。
原來應采兒爸爸喺佢細細個嗰陣就同佢講：「耍錢，要愛你只能選一個，不可能兩個同時擁有，如果要愛情，就不要再在乎錢不錢，不要去在乎這個事情，如果你希望是麵包的話，有些東西就要看淡一點。」節目主持人歐弟聽完即刻問：「你選擇了麵包？」應采兒諗都唔使諗就答：「我選擇了愛情。結果，我的愛情很旺夫，所以把麵包帶了回來。」
應采兒分享完愛情觀興奮到話自己係「人生贏家」，跟住仲笑住謂愛情結晶品小小春Jasper都係佢哋兩夫妻嘅麵包。睇嚟應采兒選擇愛情唔單只得到咗幸福家庭生活，Jasper舊年拍《爸爸去哪兒5》 應該賺過盤滿缽滿添，而愛情亦轉化為搵更多麵包嘅重要原動力。應采兒同陳小春嘅故事話咗俾大家知，只要喺選擇愛情後再努力工作，就可以魚與熊掌兼得，所以各位姊妹而家應該識揀啦。
延伸閱讀：【嚇死寶寶】應采兒生Jasper超淡定 陳小春腳都軟埋
圖片來源：互聯網
影片來源：芒果TV