女藝人李彩華（Rain）喺今日情人節同大家宣布好消息，佢要同拍拖半年嘅男友結婚喇！
Rain今日喺微博上傳咗佢同老公Eric嘅Q版公仔同利市封，仲留言話：「Rain + Eric = Mr & Mrs Huang。」
真係睇見都覺得好浪漫。據知阿Rain的未來老公喺內地從事鋼鐵生意，友人對於二人僅拍拖半年就宣布婚訊都表示驚訝。
而Rain表示一早估到未來老公會喺生日向佢求婚，因為佢哋之前已經傾過想結婚，所以冇想像之中咁感動到喊。另外，拍緊兩套劇嘅Rain預計年底會擺酒結婚，如果有好消息會再同大家分享。