李亞男（LEANNE）（LEANNE）懷胎逾八個多月，仍非常活躍，不但生日正日與老公、家人及好友為將誕生的女兒「小公主」舉行 “Baby Shower” ，早前更挺着大肚前往探班，為努力綵排原創聖經音樂劇《唯獨祢是王II》的老公王祖藍打氣。
綵排前，虔誠基督徒的Leanne與導演和演員共同為該劇祈禱，雖站立時間稍長，Leanne亦投入地與大家合唱詩歌。正式綵排時，Leanne則化身祖藍的「得力助手」，欣賞老公表演同時，還不忘為他拍下花絮照，又全程看管住老公的個人物品。
Leanne笑言「是次探班」可說是「正式捧場」：「因為祖藍12月尾正式演出嘅時候，差唔多撞正我生B，我可能去唔到捧場。但呢個幾兩個月，老公差不多日日都要排劇，好多時候排到差不多凌晨時間先返到屋企…見佢咁辛苦，我真係好想支持，同埋見證佢苦練嘅成果。」問到有否慰勞老公，Leanne就說會多煲潤喉的湯水，因為祖藍要養聲，兩夫妻現在溝通好多時都靠看口形。Leanne表示現時行動尚算方便，只是不能站立太久：「因為個肚依家真係開始大喇，企得太耐條腰係會酸嘅，但我覺得ok呀，我都依然會周圍去郁動吓，完全唔郁動其實仲辛苦。」