黃智賢（Ben）月中遠赴加拿大卡加利拍攝福音電影《愛Plan B》，同行仲有飾演其太太同兒子嘅江美儀以及張彥博，呢個組合就似《親親我好媽》一樣，三人喺冰天雪地下互相照顧，相當溫馨。
卡加利最低溫度只有零下二十度，於茫茫大雪下拍攝，令佢哋吃盡苦頭。當中阿Ben更有穿着夏威夷恤衫嘅鏡頭，雖然凍到騰騰顫，阿Ben都堅持完成戲分，十分敬業！
日前電影殺青，阿Ben更無懼寒冷嘅天氣，同拍攝團隊齊齊食雪糕慶祝，似乎愈凍愈過癮。
拍畢電影後，阿Ben終有機會放鬆一下，今日佢喺Instagram分享旅遊相片，並留言：「我在Banff， happy time.」見佢開心大笑，應該非常享受當地嘅湖光山色。
圖片來源：黃智賢、江美儀、張彥博@Instagram