容祖兒PRETTY CRAZY 演唱會日前踏入第十場 ，是晚請來 Dear Jane 做嘉賓一起合唱《不許你注定一人》和《習慣失戀》。
Dear Jane出場前，Joey說：「有一些朋友是一見如故、一拍即合，第一次合作就拿到好好的成績。你猜他們是誰？」由Dear Jane 的Howie為她作曲的「心之科學」獲得好好成績。Howie話本身想寫首歌俾女仔唱，寫完之後就覺得希望是祖兒唱，好開心祖兒又鐘意隻歌。主音黃天翔就表示，十分多謝祖兒，年初他們開紅館演唱會，祖兒未等他們開聲就已經主動話mark期來支持。祖兒笑道，「嗰日我見你幾個有嘢又唔講，個口含住包嘢咁，既然知道你哋開騷就心照啦，我咪主動講囉。」
Jackal：「我地band房少女仔上嚟，突然之間唔知點好，好緊張。」祖兒笑著回應，「你知唔知我都好少男仔朋友㗎，我身邊人全部陰氣好重……」Dear Jane馬上說，「咁我哋一齊玩多啲啦！又既然係咁，我哋不如約定再合作啦，再寫多首歌俾你！」祖兒聞言十分開心，「係咪㗎，好呀！既然《心之科學》難咁好成績，咁你哋去開拓教育系列啦，心之體育，心之……..」引得觀眾大笑。繼而大家再合唱《習慣失戀》作結。
另外，當晚Tim更分享了Joey邀請自己做嘉賓的過程，不過他說完後Joey大嘆：「你頭先講到一嚿嚿我都唔知你嗡乜！」Tim唯有尷尬笑笑。當晚亦有很多圈中藝人捧場，如胡說八道會的李施嬅、胡杏兒、胡蓓蔚、黃智雯及趙希洛，以及歌手關心妍。原來當年李施嬅同Tim彼此早有緣分，當年曾一起入讀訓練班，一同做過TVB明珠大使。她大讚Tim 唱歌進步了很多，不過亦不忘挖苦他口才仍有不少進步空間。
