51歲人夫許志安（安仔）與30歲馬國明女友黃心穎，於車上纏綿事件引起全城熱議。影片今早一出，「安心事件」令人咋舌，大量網民到安仔及黃心穎之Instagram譴責兩人嘅行為，黃心穎更急急刪除IG留言功能；亦有人為鄭秀文（Sammi）同馬國明感到心痛，紛紛留言安慰二人。
安仔與黃心穎除咗同台表演過外，原來私下亦時常見面，無論元旦及生日都會同對方慶祝。
原來，黃心穎同Sammi都有交集，佢與安仔、Sammi用同一間健身中心，黃心穎更曾與Sammi一同健身。
見Sammi上傳嘅健身影片，二人約埋同一個教練做運動，期間仲有講有笑。
近日Sammi為演唱會作準備，而「安心事件」4月3日發生當天，Sammi連發五個貼文宣傳演唱會，似乎被蒙在鼓裏。
圖片來源：黃心穎、許志安、鄭秀文@Instagram