鍾嘉欣同Jeremy Leung結婚後，育有一對可愛嘅囝囡，一家幸福滿溢。
嘉欣平時只會分享Kelly同Jared嘅生活照，今日（13日）佢就罕有地喺Instagram曬出同老公睇比賽嘅相，仲加個心心遮住老公個樣，相當神秘。
情人節將至，嘉欣同Jeremy爭取拍拖時間，尋晚兩個人一齊去欣賞冰上曲棍球比賽，享受二人世界。期間，大會介紹嘉欣2003年獲得《溫哥華華裔小姐》，以及2004年獲得《國際華裔小姐》冠軍嘅威水史，嘉欣留言多謝球隊嘅邀請。
之後嘉欣又喺story分享片段，見兩公婆雙雙出現喺場地嘅大熒幕，嘉欣好興奮咁向觀眾揮手，而Jeremy亦開心地望向鏡頭，兩個人望住對方甜笑，成為全場焦點！
圖片來源：鍾嘉欣@Instagram