前排家英哥入咗醫院令大家都好擔心，而汪阿姐出席《娛樂大家》記者會嗰陣仲特登回應家英哥入院事件，去到今日，家英哥已經好番好多喇，今日佢仲同埋汪阿姐拍住拖行山添。
天氣好，做咩好？汪阿姐今日同咗Honey去郊外呼吸新鮮空氣，仲帶埋毛巾仔掛喺頸吸汗，佢哋出去拍拖嘅同時仲不忘放閃，喺社交網upload 自拍照同幾張家英哥嘅靚仔相，「今天天氣很好！最適合戶外活動，舒展筋骨，家英哥好好多了，多謝大家關心！」從照片中可見，家英哥精神飽滿，上山落斜都完全冇難度，睇嚟真係差唔多完全康復喇，唔知係咪因為飲咗阿姐煲嘅湯水呢？
可惜今日唔係紅日，如果唔使番工，小編都好想跟埋汪阿姐出去一齊親親大自然啊。
圖片來源：汪明荃＠Facebook
