47歲嘅黎姿（Gigi）上個月醫美公司主板上市，並擔任上市公司主席兼行政總裁，Gigi非常着緊現時嘅工作，花盡心思處理業務。已係三女之母嘅Gigi一向凍齡有術，現更被封為「最靚CEO」，平日雖然忙碌，仍可保持青春美貌，令人相當羨慕。
Gigi今日喺社交網分享幾張相，見佢開心笑，又買咗袋薯條同一對囡囡分享，心情十分好！原來要保持靚樣，除咗勤做保養外，快樂嘅心境都好有幫助。
Gigi寫道：「知道今天是什麼日子嗎？3月20日是『國際幸福日』。 幸福沒有可以量度的標準，對我來說幸福很簡單，簡單在這美好的陽光底下與女兒們吃着薯條，就已經給我滿滿的幸福感。希望今天你無論身在何地，行程有多緊密，也沉浸在幸福和快樂之中。」想大家以輕鬆快樂嘅心情去感受幸福。
圖片來源：黎姿＠Instagram