武打巨星李連杰當年憑動作電影《黃飛鴻》走紅全球，但他近年投身慈善活動、潛心修佛，就算開咗IG都好少Post相上去。直至噚晚，李連杰竟然趁住聖誕出post同大家講聖誕快樂，仲上傳咗張攬住兩位年輕美女嘅合照添。睇真少少，兩位美女嘅鼻同李連杰似到十足十，原來佢哋係李連杰同利智所生嘅千金呀！
從照片中可見，李連杰兩位千金已經長得亭亭玉立，穿起高跟鞋更高過爸爸。雖然睇相聞唔到兩位美女用咩香水，但係唔少網民都開始聞到Jane同Jeda嗰陣星味喇～話時話，李連杰post呢張相係咪代表開綠燈俾兩位囡囡入行呢？
圖片來源：李連杰＠Instagram