《Do姐再shopping》日本篇的最後一集於日前播出，節目內農夫、Do姐同翠如嘅笑彈都為觀眾帶嚟唔少歡樂，唔少網民睇完仲表示想佢哋四位即刻加碼拍多幾集添。雖然冇咁快有機會睇到加碼版，但大台都不忘同大家開心Share未曝光片段，當中一段有關Do姐試食朱古力更是不能錯過。
從片段可見，Do姐輕鬆說一句：「唔知有冇得試下呢？」免費試食的朱古力便手到拿來。農夫同翠如睇到Do姐咁做，隨即有樣學樣：「唔知有冇得試呢？」結果竟然係失敗而回。最後，Do姐再大開金口講同一句說話，店員便雙手奉上朱古力，演繹了什麼是同人唔同命。
影片來源：TVB
圖片來源：互聯網