姜濤離港已有一個多月，到台灣拍攝電視劇《超感應學院》，每日在高溫下穿着長衫褲開工，讓「姜糖」（姜濤粉絲）感到十分心痛，姜糖為對偶像的支持，一口氣安排了三部應援車為姜濤及劇組打氣！
今次是姜濤首次出埠工作，當看到三部掛有自己樣貌Banner、人型紙牌的應援車出現劇組現場，姜濤表現得非常驚喜，「真係無諗大家會用依個形式，好多謝姜糖們；之前疫情關係，會見少咗Fans，但都係同一地方，今次去到台灣分隔兩地，真係好唔同，真係好掛住大家，好想快啲拍完返嚟，自己亦會努力，今次套劇唔會令大家失望。」姜濤更興奮地逐一參觀應援車，當中一輛是有齊台灣手沖茶、珍珠奶茶的飲品車、另一輛是供應劇組午餐包括有意粉的餐車，還有一輛是姜濤最愛即整漢堡包餐車。
說到台灣及劇組生活，姜濤表示當地生活節奏較香港慢，很適合自己，「拍劇節奏則較香港輕鬆，劇組又好熱情照顧，我每日都好開心。」而在放假的日子，姜濤除了會去做運動、約同劇演員一齊玩，與經理人在家Jam歌外，更趁機自我增企，找老師學跳舞和唱歌，吸收當地文化。
