林峯幾年前決定北上發展令唔少香港粉絲都傷心萬分，因為峯峯一走，佢哋就冇再喺大台劇集見到佢喇，惟有不斷翻睇舊劇集重溫佢精采演出。直至五年後嘅今日，林峯嘅粉絲就快唔使再loop《尋秦記》，因為林峯剛剛宣布要回無綫發展，即係佢就快又拍劇俾大家睇喇。
林峯今日喺TVB記者會現身宣布回巢發展，仲透露嚟緊有一連串發展大計，但當中最吸睛的當然是出道二十周年的巡迴演唱會，「我計劃緊出年舉行自己入行20周年嘅演唱會，將會係大型嘅內地巡演，嚟緊5月會先喺澳門舉行演唱會熱一熱身先，內地都會舉行幾場。另外我哋亦準備入紙紅館，為出年個唱做好籌備！」
圖片來源：my TV SUPER(www.mytvsuper.com)