蕭正楠（阿蕭）與曹永廉（阿廉）老友鬼鬼，係圈中出名嘅兄弟檔，二人更經常拍住做節目，關係好到連阿蕭太太黃翠如都呷醋。
噚日，阿蕭同阿廉趁住翠如返咗工，兩個人就私聚唱K，阿蕭分享與阿廉合唱《一生中最愛》嘅片段，笑言：「廉哥話我太太（黃翠如）拍緊戲，靜靜雞帶我去卡拉OK見識下….佢嘅歌喉 #美加演得會 #老廉蕭show #特訓中 #紅館見」阿廉補充話：「同埋準備定我哋年尾嘅紅館演唱會啦！」；其後阿廉亦分享對方唱《高山低谷》嘅影片，指阿蕭唱功：「有進步空間，好大空間！」翠如留言：「我唔知嘅。」扮嬲佢哋偷偷約會。
網民都好期待兩兄弟開Show，「記得去紅館入紙排隊呀！」、「你兩個開場啦！推你哋上紅館。」、「兩個麻甩佬唱一生中最愛，男人既浪漫」阿蕭搞笑覆話要讓路俾華仔哥先。
圖片來源：曹永廉、蕭正楠@Instagram