王祖藍首次執導的歌舞賀歲片《你咪理，我愛你！》上映數天（1月31日）便收到票房報捷的好消息，祖藍為了答謝觀眾支持，昨晚及今日更親身到觀塘年宵及旺角街頭大派利市。
而今日《你咪理，我愛你！》嘅票房成績仲好理想，港九新界均有戲院「見紅」情況出現，但祖藍似乎想更進一步做到場場都全院滿座，「今年嘅仗雖然好難打，但我哋都會努力。希望套戲可以帶畀大家正能量，睇完可以感受到快樂同愛，同埋可以開開心心咁過年。仲有我想講香港真係好靚 ，香港都可以拍到好靚嘅歌舞片。」
另外，他表示近日生活非常有「規律」，主要都係跑戲院同趕番屋企「睇女」，忙到而家都未食團年飯，認真陰公。同一時間，剛升級做媽媽嘅李亞男就係屋企湊囡，仲up咗囡囡同大家講：「祝大家新年快樂！身體健康！萬事如意！」
圖片來源：李亞男、王祖藍＠Instagram