【家長契爺飲新抱茶】阿嬌超Deep V婚紗出嫁!
派對前，阿嬌同老公向長輩同契爺斟茶，完成後，一班好姊妹同兄弟團在酒店房內玩自拍，一對新人唔少得咀嘴，最搞笑係坐喺隔離嘅阿Sa同祖兒，照辦煮碗扮kiss擺甫士，笑死人！
由細湊到阿嬌大的經理人Mani都係自拍高手，佢見證住阿嬌長大，呢個「阿媽」在派對上當然有話兒，講左一番肺腑之言，Mani說:「以往都係我哋『龍虎豹蛇』照顧佢，但今日好開心，多咗個人照顧阿嬌，交俾你（賴弘國）啦！我哋可以休息吓啦。阿sa同阿嬌成長咁多年，我見證阿sa同阿嬌由小朋友到而家，今日阿嬌⋯⋯我都好開心，幸福你係一定要擁有！你係好值得擁有呢個幸福㗎。」