何嘉莉（Lillian）唔係大緊肚等生b咩？點解生b前仲狂食漢堡包同薯條嘅？原來B女喺日前晏晝（7日）搶閘出咗世，難怪Lillian會大解放食得咁爽啦。
已育有一子一女嘅Lillian之前兩胎都係開刀生產，所以今次都係選擇剖腹生B，雖然之前有兩次經驗，但係今次入手術室前Lillian都係好緊張！Lillian話：「BB囡重6.9磅，暫時都未睇得出似邊個。」屋企多咗個小公主，一對仔女都好心急要見妹妹，「阿仔見到BB好興奮，今次我冇代送禮物俾哥哥姐姐，之前囡囡出世就有送禮物俾哥哥，但今次我就話將個BB送咗俾佢哋，就係最好嘅禮物，佢哋都不知幾開心。」
問到BB改咗名未，Lillian就話已經改咗英名文，叫Raina，「係拉丁名，代表皇后意思。雖然佢係屋企入面最細，但我哋會當佢好似女皇一樣，萬千寵愛。 」孻女孻心肝，呢個一家五口大家庭，一定錫到Raina燶。
部分圖片來源：何嘉莉＠Facebook