由陳展鵬、陳煒、陳敏之、江嘉敏主演的《黯夜守護者》，本周焦點是只有16歲的「俊仔」楊凱博（Nono），拍攝時除了要應付打鬥場口，更與「媽咪」陳煒有不少對立及內心戲。雖然Nono只有16歲，但演出經驗相當豐富，先後演出過《城寨英雄》、《大步走》及《特技人》的他，自2016年起參與劇集演出接近20部，網民都笑言：「由細睇到佢大」，「由細到現在都演得好好，醒目又靚仔」。
Nono更是李小龍鐵粉，小時候因為喜愛李小龍而學功夫，並拜了藝人阮政峰為師，因而展開了演藝之路：「阮政峰嗰時入《放學ICU》做主持，咁啱個節目想搵小朋友主持，阮老師就帶咗我去面試，咁就做到依家。」Nono透露除了跳海戲，劇中最難忘的場口是昨晚（15日）播出與施焯日的打鬥戲：「嗰場戲都幾激烈架，算係我第一次拍動作戲，唔係咁容易拍，但反而令我對打戲有咗興趣。」
談到劇中與煒哥有多場對手戲，Nono感激煒哥說：「佢係非常好嘅前輩，同佢拍對手戲有種安心感、冇咁緊張。佢無論言行都表現得好Support。我記得場雨中喊戲，我原本唔係好喊得出，但煒哥一路喺隔籬幫我入戲。」
陳煒亦大讚Nono：「佢好細個已經拍戲，相對同年紀嘅其他人佢起步好早。而且佢又靚仔又識得功夫，好全面，各方面都好優秀。」