無綫今日為劇集《隱形戰隊》舉行「祝捷會，現場公布第三十集大結局七天跨平台總收視28. 7點，觀看人數184萬，全劇平均收視25.5，成為今年劇集收視冠軍，慶祝活動上，林子善，劉穎鏇及劉佩玥輪流成為喊包，劉佩玥說：「最衰劉穎鏇，無諗過監製會續個講，講到我時，我都只係內心感動，但講到阿鏇就講中要害，佢真係好刻苦耐勞，無怨言，自己好似看到妹妹一路成長，作為姐姐很開心。自己都唔想咁失禮，但喊不是做出來，真係發自真心，大家真係一條心。」
劉穎鏇今日由頭喊到尾，她說，「今套劇集有好多人生的第一次，我無諗過自己可以行打女路線，因為我無底子，初入行時很多監製都派我演靚女角色，但監製文偉鴻每次都會俾我新的挑戰，還發掘我打女路線，自己本身有好多不足，但他令我不斷去進步，而但大家都好體諒我。」
今日出席的藝人還包括:馬國明、陳山聰、江美儀、林子善、趙希洛、伍樂怡、阮浩棕、樊亦敏、伍禮騫、梁浩楷、李嘉晉、麥詩晴、楊證樺、關嘉敏、許家傑、李天縱、葉泓聲及黎澤恩等。
