無綫歌唱節目《聲夢傳奇》今晚播出第六輪比賽，4位學員林智樂（Felix）、林君蓮（Kaitlyn）、冼靖峰（Archie）與文凱婷（Aeren）今集對戰，Felix與林奕匡、蓮姐與泳兒、Archie與馮允謙（Jay）、Aeren與林欣彤將率先作賽。第一個出場的Felix，從25位評判中得到11分， 而Archie則憑與Jay合唱的《沙沙的雨》 獲最多的23盞綠燈晉級，得分最低的Felix被淘汰出局。下集將輪到姚焯菲（Chantel）與炎明熹（Gigi）等出場，戰況漸趨激烈。
至於在今集獲得最高分的Archie在IG發長文分享感受，「一開始知道今round要同歌手合唱我係興奮到痴咗線，期待到爆炸究竟係邊個歌手然後唱咩歌。見倒JayFung嗰下即刻有種『係你啦‼』嘅感覺 。」他指當知道要唱《沙沙的雨》是即刻嚇到傻了，「我完全冇idea點改編完全無從入手， 但係個天關你一道門就開你一扇窗，Jay同我講可以變R&B咁唱，我即刻覺得『OMGGG係wohhhhh。』」
Archie又多謝Jay的幫忙，「由編曲idea至到唱法，再到心態再到未來嘅路，你都比咗好多建議我，你真係一個好好嘅長輩AHAHAHA。總之我真係好慶幸當初義無反顧咁選擇左搵你同我合作。希望以後仲有機會一齊做音樂啦」他又感謝主理人李克勤，「多謝你一路以黎嘅指導 一路都比左好多信心我，知道你一步一步咁幫我重拾自信真係好感激你， 我一定會繼續努力。」