由何爵天執導的《死屍死時四十四》於4月4日正式上映，在復活節假期檔獨佔鰲頭，成為復活節華語片票房冠軍，票房持續節節上升，截至昨日（28日）票房已順利衝破2000萬，暫列2023年港產片票房第二位。團隊至今仍繼續努力宣傳，何爵天與楊偉倫、監製錢小蕙今日現身戲院謝票，適逢今日是受惠政府舉辦「全港戲院日」，市民於各大戲院看電影只需要30元，戲票前日預售反熱烈，今天大部份戲院皆全院滿座。
電影票房理想，主演的毛舜筠表示：「自從開關之後，票房要過2000萬已經會係一件極唔容易嘅事，希望大家繼續支持香港電影，繼續支持《死屍死時四十四》。」鄭中基則分享說：「好多謝所有入場支持我哋嘅觀眾，好感恩衝到去2000票房 ，其實我同Edan拍戲嗰時發生咗件好好笑嘅事，好想同大家分享，到3000萬票房嗰時我哋就話俾大家知。」Edan表示：「好多謝每一個入場支持嘅朋友，如果覺得好睇，希望你哋分享比身邊嘅朋友，亦都希望睇完之後都拎到啲嘢走，覺得開心、抒發、有共鳴，有啲道理拎到走，聽到Roanld講話到3000萬就有一件好笑嘅事同大家分享，都好想知係咩嚟，希望有機會聽到。」
黃又南坦言：「其實我自己都好耐冇睇過一部笑得咁開心嘅戲，希望更多觀眾可以分享到呢份開心，快啲介紹俾多啲朋友，笑聲係無價嘅！」余香凝稱：「好開心《死屍死時四十四》過咗2000萬，希望觀眾多啲入場，等我哋可以快啲衝上3000萬，呢部係大家睇完都好開心嘅電影，今日全港電影戲票$30，希望好多觀眾睇完之後推介俾朋友睇，之後再入場睇。」
