童星何珀廉（Curtis）喺《把關者們》飾演潘日進演技亮眼，與劉佩玥嘅母子對手戲更大受觀眾好評，而有留意《明周》報道嘅讀者都知何珀廉除咗識演戲，現實中仲係一位鋼琴小王子。日前何珀廉參加第13屆亞太傑出青少年鋼琴比賽YP組少年專業組（28歲或以下）贏咗唔少大哥哥大姐姐，獲得亞軍獎項！
囝囝何珀廉拎獎，何媽媽就急不及待將Curtis得獎喜悅向大家分享，「今日珀廉參加第十三屆亞太傑出青少年鋼琴比賽YP組少年專業組（28歲或以下），其實媽媽我今朝先知個比賽原來係28歲以下，因為係爸爸報，佢根據歌曲時間長度報名，一去到。珀廉見到咁多哥哥姐姐好緊張，但係佢記住老師所講要表現好自己，發生什麼事都不要緊，只需要做好自己，佢好聽話，好專心做好自己，雖然佢唔覺得自己有機會，亦有點點瑕疵，但係全首歌做到佢嘅極限，原來評判真係聽到架，Dr Amy Sze話佢進步左，Dr Blanc Wan問佢幾多歲，好欣賞佢可以咁focus，Mr Robin話佢表演好出色，Dr Mary Wu未有機會交流呢，四位評判共同俾亞軍佢，我哋係聽到季軍唔係自己已經唔覺得有獎了，珀廉自己也沒有想過，因為我哋都好欣賞其他參賽者，啲哥哥姐姐真係高手如雲，佢哋真係好勁，可能啲歌難啲相對要求也再高啲，所以其實大家都好叻。」
圖片來源︰何珀廉@Facebook