《下流上車族》昨晚（9日）播出一集的焦點，落在黃嘉雯（Carmaney）飾演的日語學校校長Peggy身上，她的出令車家面臨重大危機！
劇情講到Peggy的控制狂男友，再三誤會她與志明（林敏驄飾）有染，Peggy遂決心斬情絲，兼向志明訴苦；志明帶Peggy遊玩散心，期間遭阿力（關曜儁飾）及阿詩（林穎彤飾）撞見，阿詩拍下志明與Peggy相片send給雯慧（江美儀飾），之後喝醉的Peggy情不自禁向志明送吻，豈料被蔓蔓（羅毓儀飾）撞到正。Carmaney指演醉酒戲當日，驄哥帶了酒給她助她入戲。她大爆拍攝期間搞笑事：「每一次拍呢啲close場面，導演事前都會幫我哋試一次戲先，所以成個氣氛都好輕鬆。」除了Carmaney，因誤會老竇爆喊的蔓蔓，亦喊得相當激動到位，獲網民大讚她童顏兼有演技：「臨尾蔓蔓喊得好慘，演得好」、「蔓蔓嗰種傷心，真係好似細路女」、「個震驚眼神好正」。
至於另一邊的芊芊（郭柏妍飾）與高榮（丁子朗飾）感情線大躍進，發現愛情與麵包一樣重要的芊芊，決定與高榮閃婚抽居屋望上到車，並找來蔓蔓及毓霞（鮑起靜飾）做見證人「秘密」行事。毓霞為免二人將來後悔，暗地通知志明和雯慧，志明趕到現場後一面錯愕，並大感失望哽咽指責芊芊：「最少通知我哋一聲吖，話俾我聽好難咩？你由細到大，我最驚有呢一日（結婚），點知就係今日！」全程爆喊的芊芊則不停道歉。
郭柏妍（Rosita）透露這場戲是其中喊得最厲害場口：「當時大家都相處咗兩個幾月，同驄哥有咗父女情，拍嘅時候回憶返同爸爸（驄哥）嘅畫面，再加上驄哥喺劇入面第一次咁大聲鬧我，令我感到好內疚，嗰刻就忍唔住係咁喊，驄哥真係好帶到我入戲。」