Advertisement

黎展峯首戰10K跑出好成績 狂Loop張敬軒歌令自己亢奮

本地
2024.01.23
撰文:卡林
Andy首次挑戰10K,以四十八分零四秒完成,成績好滿意!

「渣打馬拉松2024」十公里賽事一向都是熱門項目,歌手黎展峯(Andy)亦首次挑戰,並以四十八分零四秒完成,成績好滿意!畢業於浸大體育系的Andy,向來喜歡各項球類活動,這次轉玩跑步,原來是「拜疫情所賜」,「因為之前疫情封咗球場,冇得去玩球類運動,於是走咗去同啲friend一齊跑步、跑山,點知愈跑愈跑上癮,想挑戰一下自己可以玩到啲乜嘢成績返嚟。喺香港最容易報到名嘅跑步比賽,我諗就係馬拉松,所以嗰陣就下定決心參加馬拉松,挑戰自己喺跑步上可以衝到啲乜嘢成績。」

 

首次參賽,Andy坦言超級緊張,「因為前一晚淨係瞓咗個幾兩個鐘,主要係同公司同事、同埋跑步團體傾下目標成績,自己又會去睇下,上年有啲乜嘢時間,跟住就不斷喺度諗:『自己可以衝到乜嘢時間返嚟呢?』愈諗就愈緊張同亢奮,搞到個人更加瞓唔着。」至於事前準備功夫,Andy表示自己有個跑步歌單,特別在聽歌時會令自己更加亢奮,會再跑得快點,「我loop咗好多次軒公嘅《Do What You Want》,一路聽住,真係覺得自己愈跑愈快。」首次出戰便獲好成績,問到下年會否挑戰全馬?Andy坦言沒想過,因為一直以來訓練的成績比較少在五十分鐘內完成,這次四十八分完全是意料之外,「冇諗過成績咁好,來年應該未必會即刻挑戰全馬,但可能會升一級去半馬,呢個就要睇睇,嚟緊自己有幾勤力咁訓練。」

 

聲夢傳奇 MIRROR 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹