Advertisement

黃秋生蘇玉華合作新戲有默契 George@P1X3L首登大銀幕演強姦犯

本地
2024.03.13
撰文:孜卓芹
蘇玉華表示與黃秋生熟絡也一齊合作過。
蘇玉華表示與黃秋生熟絡也一齊合作過。

香港電影工作者總會推出的首季「總會拍電影」計劃,當中的第二部獲選作品《不赦之罪》,日前正式開鏡。監製廖婉虹、導演林善、導演暨編劇譚善揚、黃秋生蘇玉華、歐鎮灝 (George@P1X3L)、陳紫萱及陳書昕五位主要演員都有出席開鏡儀式。

電影圍繞三位人物,包括由秋生飾演的牧師,蘇玉華飾演的受害者母親,以及由歐鎮灝 (George) 所演的少年強姦犯,幾位演員都讚賞劇本出色,不過笑言最初對林善及譚善揚首執導演筒非常擔心,幸而身為影帝的秋生,即場認可他們的表現。

蘇玉華與黃秋生跟三位新演員合作。
蘇玉華與黃秋生跟三位新演員合作。

秋生笑指大家擔心兩位新導演,全因被兩位青澀外表嚇怕,更即場派定心丸,「我又唔覺得佢哋好新,唔係咩都唔識咁,大家都溝通得非常好,又聰明又聽人講又可以消化得到好多意見,即係我唔使好擔心所有嘢,係比想像中更好同順利。」

蘇玉華就指開拍前曾跟兩位導演見面,印象深刻,很難想像劇本竟然出自眼前兩位年輕人,「今次的確係一個好好嘅劇本,呢兩個年輕人好尊重我哋兩個老人家,佢哋真係每一場戲都會埋嚟同你傾,問呢場戲我會點樣處理,點樣演,我覺得係一個好真誠嘅合作。另外我覺得好慶幸,我同秋生一齊演啦,因為我哋好有默契,本身都係熟絡同一齊合作過。」

蘇王華與兩位新導演。
蘇王華與兩位新導演。

兩位新導演亦都感謝秋生和蘇玉華前輩參與,譚善揚更指落筆寫劇本時,已經想住秋生飾演牧師角色,多得監製安排,最後夢想成真由影帝出演,「成件事好奇妙,秋生佢上年都有完整睇曬成本聖經,佢有好多研究,我哋每日拍攝時候都會有很多討論,研究角色會有點樣嘅諗法。」

三位影壇後輩George、陳紫萱及陳書昕亦榮幸能夠跟秋生和蘇玉華同場演出,今次更是George首登大銀幕,面對前輩當然緊張,「我呢半年係有睇好多唔同嘅電影,吸收點樣做,諗住喺實踐嘅時候就發覺,咦,唔係噃,因為秋生哥有嘗試去幫我撇甩自己演出嘅框架,令到我每一晚返去,都諗返演出嘅每一場戲,個人好似對做戲通透咗。」

為演好戲中釋囚角色,George換上一頭清爽短髮造型,更被指似卡通人物monchhichi;另外George又指將會與陳書昕有一場大膽戲,非常考驗演技,書昕指George為投入角色,即使在片場主動與對方溝通都被拒絕,George連忙澄清,「我個人比較屬於感受型(演員),所以我要好實在去feel角色的想法,就好多時會抦埋一二邊去諗嘢同埋去思考。」

George剷髮演釋囚。
George剷髮演釋囚。
星級企業大獎2020 MIRROR 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹