Advertisement

黃淑蔓演沉鬱角色阿媽嗌恐怖 首奪最佳微電影女主角金獎

本地
2024.03.15
撰文:孜卓芹
Feanna為她於演戲上打下強心針。
Feanna為她於演戲上打下強心針。

黃淑蔓(Feanna)主演的微電影《深房I am not alone》,於昨日(14日)舉行的第十一屆微電影「創+作」支援計劃(音樂篇)頒獎典禮暨精選作品放映,勇奪專業組三項大獎:導演吳詠琪奪得「最佳微電影製作」銀獎,Feanna憑出色演技奪得「最佳微電影女主角」金獎,攝影指導趙沛源則奪得「最佳微電影攝影」銀獎。評審大讚《深房》有絕對的電影感,製作技術相當出眾。

好感動。
好感動。

首次奪得演技獎即摘下女主角金獎的Feanna非常感動,她於台上感謝導演吳詠琪、公司寰亞、同事以及家人的支持時,一度眼濕濕。她特別感謝客串演出的鄧家杰(Kakit),說:「我好少演感情戲,對住佢冇咁緊張,同埋少女心爆滿,多謝Kakit。」奪得「最佳微電影製作」銀獎的吳詠琪則恭喜《深房》的一眾台前幕後,並多謝寰亞:「佢哋睇完個劇本就好放心將個女(Feanna)交咗俾我。」她們隨即與Kakit互相祝賀,又親吻獎座分享奪獎喜悅。

三人一起享喜悅。
三人一起享喜悅。

Feanna於頒獎禮後受訪時表示很開心,亦為她於演戲上打下強心針。她說:「開頭唔敢相信,知道咗呢個咁好嘅消息,真係好開心,演戲方面相信自己多咗。」她於戲中飾演一位沉溺分手傷痛,還遭受鄰居噪音困擾的女生,情緒低落且沉鬱。她說:「平時好少將呢面展露俾朋友睇,喊都好少喺人面前喊,今次係好大突破。我媽咪同我講:『你喺戲入面好恐怖。』我覺得係讚賞,可以令你覺得我恐怖,對我嚟講即係成功。」

whatsapp-image-2024-03-15-at-17-51-18-6

Feanna為拍這片第一次上演戲班,亦第一次參與作曲,主唱主題曲《I am All Alone》的Feanna透露:「其中一位評審問導演,女主角會唔會試下作歌,就係呢句激起咗我嘅鬥心。」談到團隊會如何慶祝時,身體抱恙的Feanna說:「我仲病緊,唔可以食大餐,希望快啲好返,我要同大家打邊爐。」

聲夢傳奇 陳卓賢 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹