Advertisement

黃智雯離巢後宣布新動向 感激老公好姊妹支持俾意見

本地
2024.01.03
撰文:孜卓芹

黃智雯新一年有新開始。
黃智雯新一年有新開始。

【今日睇咗未?】MIRROR新團歌寓意像火箭奮力向上 姜濤靠演戲釋放做歌手壓力 Anson Lo想集齊12子做舞台劇|黃智雯離巢後宣布新動向 感激老公好姊妹支持俾意見(03/01/2024)

上月約滿離巢無綫的黃智雯(Mandy),宣布正式加盟「凱藝娛樂」,成為朱茵與蔡少芬(Ada)的同門師妹。Mandy為新一年拍攝造型照,對於加盟新公司大叫興奮,表示抱正面開放態度,迎接新挑戰。

回首2023年,對Mandy來說的確是特別的一年,成為人妻,身份改變,亦因這個身份變化,令她深感要展開人生的新階段。她說:「好想突破自己,跳出框架,嘗試一啲以前未試過嘅嘢!我好想同多啲唔同嘅演員合作,多啲火花,對電影、綜藝節目、真人騷等所有嘢抱開放態度,以樂觀、開放,迎接新挑戰!」

黃智雯抱開放態度迎新挑戰。
黃智雯抱開放態度迎新挑戰。

對於兩位同門師姐,Mandy跟她們早有淵源:「我同Ada都係Miss HK出道,佢係我師姐;朱茵就係我演藝學院嘅師姐,非常期待將來我哋可以有更加多合作火花。」

已為人妻的Mandy一路有老公支持。
已為人妻的Mandy一路有老公支持。

老公和好姊妹對於Mandy的新動向亦給予支持,她指:「另一半好支持自己,一步一步走來,佢沿途都俾好多意見,我覺得佢係一個好聰明嘅人,成日都會幫我分析,亦係好好嘅聆聽者及心靈伙伴;姊妹們更加係唔使多講,我哋姊妹間無論大家有咩決定、有咩去向,都會在心中互相支持。」

聲夢傳奇 星級企業大獎2020 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹